بھیڑیا رکھنے کا شوق نوجوان کو مہنگا پڑگیا

محکمہ جنگلی حیات نےبھیڑیا تحويل ميں لےليا

 

فیصل آباد ميں گھر پربھیڑیا پالنے والا محکمہ جنگلی حیات کے ہتھے چڑگیا، بغیراجازت جنگلی جانور رکھنے پر عدالت نے نوجوان کو 10 ہزار روپے کا جرمانہ کردیا۔

فیصل آباد واپڈا کالونی میں محکمہ جنگلی حیات نے کارروائی کرتے ہوئے خونخوار بھیڑیا گھر سے برآمد کرلیا۔

ٹیم نے جنگلی جانور پالنے والے نوجوان کو گرفتار کیا تو اسنے بھیڑیےکا ڈی این اے کروانے کا مطالبہ کردیا۔

ملزم کا کہنا تھا کہ یہ جانور  کتے کی ایک نسل ہے بھیڑیا نہیں۔

جنگلی حیات کے انسپکٹر کے مطابق بھیڑیا ملتان سے 34 ہزار روپے میں خریدا گیا تھا خونخوار جانور رکھنے پر عدالت نے ملزم کو دس ہزار کا جرمانہ کیا۔

محمکہ جنگلی حیات کے خالد رشید کا کہنا تھا کہ جنگلی جانور کو گھر پر پال رہا تھا اسکو 10 ہزار روپے جرمانہ ہوا ہے۔

عدالت نے بھیڑیے کو محکمہ جنگلی حیات کے حوالے کر دیا۔