گوگل نے اپنے نئےموبائل آپریٹنگ سسٹم اینڈرائیڈ 11 کو باضابطہ طورپرمتعارف کرادیا ہے۔
غیر ملکی خبررساں ادارے کے مطابق یہ آپریٹنگ سسٹم کچھ ماہ قبل بیٹاورژن میں پیش کیا گیا تھا اور اب اسے اسمارٹ فونز کے لیے متعارف کرایا گیا ہے۔
اس بار صرف گوگل پکسل فونز کی بجائے دیگر کئی کمپنیوں کے فونز میں بھی اسے فوری اپ ڈیٹ کیا جارہا ہے۔
نئے اینڈرائیڈ آپریٹنگ سسٹم کو ون پلس، شیاؤمی، اوپو اور رئیل می فونز (مخصوص ماڈلز میں) گوگل پکسل فونز کے ساتھ آج سے ہی اپ ڈیٹ کیا جارہا ہے۔
نیا آپریٹنگ سسٹم 11 گوگل پکسل 2، 3، 3 اے اور 4 اے کے صارفین کے لیے دستیاب ہےاس کے علاوہ ون پلس 8 اور 8 پرو کے صارفین بھی اس اینڈرائیڈ آپریٹنگ سسٹم کو اپ ڈیٹ کرسکتے ہیں۔
گوگل نے یہ بھی وعدہ کیا ہے کہ مزید شراکت داروں کی جانب سے بھی آنے والے مہینوں میں ڈیوائسز میں آپریٹنگ سسٹم اپ ڈیٹ کیا جائے گا۔
اینڈرائیڈ 11 میں سب سے بڑی تبدیلی میسجنگ ایپس میں گروپ نوٹیفکیشنز کے حوالے سے ہے جبکہ فیس بک میسنجر جیسا ببل انٹرفیس بھی میسجنگ کے لیے دیا جارہا ہے۔
اس کے علاوہ نئے میڈیا کنٹرولز، ایک نیا اسکرین شاٹ انٹرفیس، ایک سسٹم لیول اسمارٹ فون ہوم کنٹرول مینیو بھی دیا جارہا ہے جبکہ صارفین کی پرائیویسی کے تحفظ کے لیے پرمیشن سیٹنگز کو مزید سخت کیا جارہا ہے۔
No comments:
Post a Comment