وزیر اعظم کے معاون خصوصی شہباز گل نے سابق وزیر اعظم نواز شریف کے پلیٹ لیٹس گرنے کی اصل وجہ بتا دی۔
تفصیلات کے مطابق شہباز گل نے میڈیا سے گفتگو کرتے ہوئے کہا کہ بلڈ سیمپل میں کلوٹنگ روکنے کے لئے کیمیکل 'ای ٹی ڈی اے' استعمال ہوتا ہے۔ ای ٹی ڈی اے کی مقدار خون سے زیادہ ہو تو رپورٹ میں پلیٹ لیٹس کم ہوجاتے ہیں۔ نواز شریف کے سیمپل میں ای ٹی ڈی اے کی تعداد بڑھائی گئی جس سے پلیٹ لیٹس گر گئے۔
ان کا کہنا تھا کہ ن لیگ نے کسی میڈیکل لیب کے ساتھ مل کر یہ کھیل کھیلا، ای ٹی ڈی اے بڑھا دیا گیا۔ بلڈ کا سیمپل کم کیا گیا، رپورٹ میں بلڈ سیلز اتنے کم آئے کہ ہمارے ڈاکٹرز بھی تشویش میں آگئے انہیں لگا کہ نواز شریف کی زندگی خطرے میں ہے۔
شہباز گل کے مطابق جھوٹی رپورٹ وزیراعظم نے دیکھی تو انسانی ہمدردی پر نواز شریف کو علاج کے لئے ملک سے باہر جانے کی اجازت دی۔
انہوں نے کہا کہ اب یہ تو پتا چل گیا نواز شریف جھوٹ بول کر باہر گئے۔
نواز شریف کو جھوٹ بول کر باہر بھاگنے میں مدد کرنے والوں کا احتساب ہوگا، حکومت پنجاب ای ٹی ڈی اے کے معاملے کی تحقیقات کرے گی۔
No comments:
Post a Comment